Бүгү делегейниң уругларның эргелерин камгалаар хүнү таварыштыр. Бо даӊзыны чурт шинчилел болгаш национал чогаал килдизинде биштирип алып болур.

 

Аныяк ɵскенни кижизидеринге улуг рольду чогаалдар база ойнап турар. Тыва чогаалчыларныӊ чечен чугаалары, тоожулары, шүлүктери амыдыралдыӊ эң-не нарын айтырыгларын кɵдүрген, амгы үеде аныяктарныӊ сагыш-сеткилин дүвүредип, оларның кижизидилгезинге улуг салдар чедирип чоруур болгаш амыдыралдың хɵлегеленчек талазын сайгарып кɵɵрүнче кыйгырып турар.

 

Амгы тыва уруглар чогаалында номчукчуларның сонуургалын хаара тудуп, сагыш-сеткилин дүвүредип, кɵскү черни ээлеп турар чогаалдар эвээш эвес.

 

«Кижилерниң сеткил-човаа аңгы-аңгы, бир аай дɵмей эвес болганының ужуру чүдел?» бо нарын айтырыгны сүмелекчи данзыже кирген чогаалдарда чогаалчы бүрүзү бодунуу-биле шиитпирлээрин оралдажып турар. Оларныӊ бижээн чогаалдарында ɵзүп орар салгалдың мɵзү-шынар кижизидилгезинде болгаш культурлуг чурумунче угланган хɵй-хɵй ɵɵредиглер бар. Сүмелекчи даӊзы элээди назы-харлыг уругларга тургустунган.

 

Тургузукчу: Раиса Аркадьевна Санчай
Үндүрүлге харыысаалгазы: Сылдысмаа Борисовна Лопсан