Сегодня, в юбилей Александра Сан-ооловича Шоюна, необходимо особо подчеркнуть, что он был и есть редактор детских периодических изданий на тувинском, наставник и поддержка многим молодым и юным авторам. Сегодня он возглавляет редакцию журналов для детей «Алдын кушкаш» («Золотая птица») и «Салгынчыгаш» («Ветерок»). 

 

И, конечно, мы сегодня с особой радостью публикуем несколько стихотворений юбиляра. 

 

САЛГЫНЧЫГАШ

Амыр-менди солчуп,
Арнымдыва ошкааш,
Арлып ыңай болур,
Салгынчыгаш, эй-эй!
Салгынчыгаш, эй-эй!
Эпчоксунуп турбайн,
Эглип чедип келем,
Салгынчыгаш,
Салгынчыгаш.

Садка чеде бердим,
Салгынчыгаш ында.
Чараш бойдус таалап,
Чаптап туру, эй-эй!
Чаптап туру, эй-эй!
Чанында бо келдим,
Чаштынмайн көрем,
Салгынчыгаш,
Салгынчыгаш.

Сеңээ душчу бергеш,
Сергек-омаам дендээр.
Эргеленип ойнаар
Эжим болам, эй-эй!
Эжим болам, эй-эй!
Салгынчыгаш,
Салгынчыгаш.
Барып аалдап чедейн,
Бажыңың сээң кайдал.
Салгынчыгаш,
Салгынчыгаш.

 

БАШТАЙГЫ НОМЧУГАШ

Холга номну тудуп алгаш,
Кончуг таптыг топтап-топтап,
Шимчеш дивейн, бичии уруг
Чиге кайгап көрүп орган. 

Арыннарын ашкылааштың, 
Аай-дедир туткулаар-даа.
Чамдык билир үжүктерин
Салаа базып айты бээр-даа.

Аай-бажын билип чадааш,
Авазынга чеде бергеш:
"А бо номну канчаар номчуур, 
Айтып берем, авай?" диген.

 

ХӨГЛҮГ УРУГ 

Кожа өрээн бантиктери
Ховаганнар сагындырар 
Шевер, чараш бичии уруг,
Сергек хөглүг ырлап бар чор:
Садигимге, оой-ээй!
Ойнаар кызым, оой-ээй!
Сагынган боор, оой-ээй!
Чассыдып каайн, оой-ээй!

Өөрлериниң аразынга
Өөрүшкүлүг, чазык чаңнап,
Ойнаар-кызын амдыы уруг
Оожум чаптап, ырлап олур:
Авам, ачам, оой-ээй!
Ажылында оой-ээй!
А мен мында, оой-ээй!
Сээң-биле, оой-ээй!

Каш-каш янзы ойнаарактар
Катап эрги туружунда.
Орлан уруг хүлүмзүрүп,
Олар-биле байырлашкан:
Бажыңымче, оой-ээй!
Чанарым ол, оой-ээй!
Чалгааравас, оой-ээй!
Байырлыг че, оой-ээй!

 

По информации tuvacheleesh.ru