Чурт-шинчилел болгаш национал чогаал килдизиниң эргелекчизи Саяна Ооржак богүн силерге «Мергенчик» деп тоолду бараалгадып тур. Бо тоолду Маңнай Ооржак ыткан. «Тыва улустуң тоолдары деп» тергиин чыындыже кирген.

Тываның сураглыг тоолчу Ооржак Маңнай Намзыраевич 1892-1968 чылдарда чурттап чораан. Ол кайгамчыктыг хөйнү билир, дуураан угаанныг тоолчу чорааны ооң репертуарының байлаандан көстүп турар: ол янзы-бүрү жанрларның чогаалдарын билир болгаш күүседип чораан. Оон аңгыда, дыка хөй тоолчургу болгаш төөгү чугаалар, ырылар болгаш кожамыктар, тывызыктар, үлегер домактар дээш өске-даа жанрларның чогаалдары бижиттинген. Ук бижимелдерниң аразында тоолчунуң бодунуң сактып бидээш, чорутканы чогаалдар база эвээш эвес.
Ооржак Маңнайның ады «20 чүс чылда Тываның алдарлыг кижилери» деп номда кирген. Ол ышкаш Алдан-Маадыр суурда тоолчунуң чурттап турган кудумчузу ооң ады-биле адаттынган.