Улустуң аас-чогаалы (делегей сөзү-биле фольклор) дээрге, тоолдар, тоолчургу чугаалар, ыр-кожамыктар, алгыш-йөрээлдер, сургаалдар, үлегер домак, чечен домактар, дывызыктар болгаш улустуң амыдыралында сөс-домак бооп артып калган төөгүлүг, уран-чечен, мерген чугаалары болур.

Улустун аас-чогаалы болза, чоннуң катышкан коллективтиг чогаалы болур болгаш ында бүгү чоннуң сеткил-сагыжын, күзел-соруун, чоннуң угаангыр-сагынгыр уран-мергенин, салым-чаяанныын, чүү чүвеге ынак туралыын, чүү чүвеге хөңнү чогун — бүгү чоннуң эртип келген төөгүзүнде демиселдерин, качыгдал-түрегделдерин, ажып-тиилеп чораанын көскү үлегер-дүрзү чурумалдыы-биле көргүзүп, херечилеп турар.

Бистиң библиотекавыстың чурт-шинчилел болгаш национал чогаал килдизи силерге солун болгаш ажыктыг боор видеопрезентацияны белеткээн.