Ноябрь 26-да К. И. Чуковский аттыг уруглар ном саӊында чурт-шинчилел болгаш чогаал килдизинге, салым-чаяанныг, шевер, даараныкчы, чогаалчы, Зоя Дары-Сууевна Монгуштуӊ «Чарык- хырын» деп чаа үнген номунуң таныштырылгазы болуп эрткен.

Ужуражылга-таныштырылгага аалчылар хөйү-биле чыылган, оларга шүлүкчү, очулдурукчу, чечен-чогаал шинчилекчизи, филология эртемнериниң кандидады, Россияның болгаш Тыва республиканың чогаалчылар эвилелиниң кежигүнү Сайлыкмаа Салчаковна Комбу, Кызыл хоорайның 2 дугаар А.А. Алдын-оол аттыг школазының 7-ги клазының өөреникчилери база оон-даа өскелер киришкеннер.

Авторнуӊ чаа үнген номунда уругларга тоолдар, чечен чугаалар, новеллалар киирген.

Хемчегниң кол маадыры чогаалчы, Зоя Дары-Сууевна Монгуш, чогаалдарын канчаар-даа аажок улуг сонуургал-биле чаш чораан үелерин сактып тургаш бижип турганын база чогаадыкчы ажылының эге базымнарын чугаалап, бистиң чогаалчывыс шүлүкчү, очулдурукчу, чечен чогаал шинчилекчизи, филология эртемнериниң кандидады, Россияның болгаш Тыва республиканың чогаалчылар эвилелиниң кежигүнү Сайлыкмаа Салчаковна Комбу, чаа үнген номунга редакторлап, чогаадыкчы ажыл-ижин деткип, арга сүмени берип турганындан эгелээш бодунуң солун утундурбас төөгүлерин чугаалап берген.

Хемчег чараш, солун болганын аалчылар демдеглээн.

#Чуковка17 #ЗояДарыСууевна #ЧарыкХырын #Чогаадыкчы #библиотекиТувы