Тыва дыл хүнүнде, ноябрь 1-де Тыва Республиканың К.И. Чуковский аттыг уруглар ном саңынга чурт-шинчилел болгаш национал чогаал килдизинниң кол библиотекары Куулар Онермаа Сергеевна, «Тыва дыл» деп угаан оюнун эрттирген.

Хемчегниң кол сорулгазы:
Тыва дыл дугайында уругларның билиин улам сайзырадып, төрээн дылынга сонуургалды, хандыкшылды, хүндүткелди оттуруп, өске дылдар-биле холувайн, тыва дылга арыг чугаалап, тыва үжүк-бижикти хандыр өөренип, сайзырадып чоруурунга чагып өөредип, билиндирер.

2016 чылдын январь 18-те Тыва Республиканын Чазак даргазы Ш.В. Кара-оолдун айтыышкыны-биле ноябрь 1-нин хунун – тыва дыл хуну кылдыр чарлаан.

Тыва бижиктиң база тыва дыл хүнүнүң тывылганының төөгүзүн болгаш ужур-дузазының дугайында өөредиглиг чугааны чоргускан. Уруглар национал тыва оюннарга идепкейлиг киржип, тыва үлегер домактарны болгаш тывызыктарны тодарадып, харыылап турганнар. Уругларның хемчег үезинде билип алган билиглерин быжыглаары-биле сонуурганчыг викторины эрттирип төндүрген. Уруглар шупту идепкейлиг киржип, улуг сонуургалын көргүскен.

Хемчегге ниитизи-биле 13 киржикчи келген, оларның кайызы-даа оюнга киришкеш, аажок сонуургап, өөрүшкүзүн көргүскеннер.

Тыва республиканың өзүп орар салгалының аразынга патриотчу кижизидилгени сайзырадырынга салдынган сорулгаларын чедип ап, ук хемчег чедиишкинниг эрткен.