Октябрь 19-та шүлүкчү, прозачы, шажынчы хелин башкы, Россияның болгаш Тываның чогаалчылар эвилелиниң кежигүнү РОМАН ДАМДЫНОВИЧ ЛУДУПТУҢ Эрзин кожууннуң Нарын суурнуң көдээ ном саңынга чырык адын тыпсып улуг хемчегни эрттирген.

Ол болуушкунга тураскаадып "Сарынналым ырлап берейн" деп кожуун чергелиг шүлүк мөөрейи болуп эрткен.

Шүлүкчүнүң уран-чечен өнчү-хөреңгизи-биле таныжылганы нептередир, хей-аъттыг шүлүк сөстүң бедик хамааты, патриотчу болгаш мөзү-бүдүштүг күчү-күжүн ажыдары-биле, кожуунуң өндүр улуг чоруун көргүзүп, төрээн бойдузувустуң каас-чараш овур-хевирин көргүзери-биле мөөрейни эрттирген.

Мөөрейниӊ жюри кежүгүннери
1.Николай Шагдыр-оолович Куулар – шүлүкчү, прозачы, очулдурукчу. Тыва Республиканың Улустуң чогаалчызы. Тыва Республиканың культуразының алдарлыг ажылдакчызы
2. Сылдысмаа Борисовна Лопсан - Республиканың К. И. Чуковский аттыг уруглар ном саңының удуртукчузу
3. Сарыглар Олег Доржулдаевич – Тыва Республиканың алдарлыг артизи база Тыва Республиканың Улустуң артизи.

Мөөрейниң шылгараан киржикчилерин жюри үнелээн.
Шүлүк мөөрейи 5 хардан 18 харга чедир уругларга болгаш улуг улус аразынга болуп эрткен.

Мөөрейниң түңнел чадазында шыырак киржикчилерни тускай шаңналдар-биле демдеглээн.

5 хардан 4 класстың өөреникчилериниң аразынга Ооржак Айлуна, Нарын суурнуң 4-кү клазының өөреникчизи шылгараан.

Ортумак класстың өөреникчилериниң аразынга 6-гы классчы Хомушку Аржаана тиилеп үнген.

Үстүкү класстарның аразынга Эрзин суурнуң 10-гу класстың сургуулу Аракчаа Айдана шылгараан.

Улуг улус аразынга 1-ги черге Күр Мерген Владимирович төлептиг болган.
2-ги черни Баажай Мила Кара-ооловна алган.
3-кү черни Кунаажап Даяна Эртинеевна алган.

Шупту мөөрейжилерге киришкени дээш байыр чедирип, моон-даа соңгаар чедиишкиннерни күзедивис.