Май 21-де Россияның Маадыры Сергей Күжүгетович Шойгунуң 70 харлаанынга тураскаадып К. И. Чуковский аттыг уруглар ном саӊында чурт-шинчилел болгаш чогаал килдизинде «Сергей Шойгу – Россияныӊ маадыры» деп ном делгелгези салдынган.

Ном делгелгеде Сергей Шойгунуӊ бижээн «Про вчера» деп ному, ооӊ дугайында бижээн номнар, стаьялар салдынган.

Сергей Күжүгетович Шойгу-российжи күрүне, шериг болгаш хөй-ниити ажылдакчызы бооп ажылдап чораан. Ол 1955 чылдың май 21-де Чадаана хоорайга Район солуннуң редактору Күжүгет Шойгунуң болгаш зоотехниги Александра Шойгунуң өг-бүлезинге төрүттүнген.

1972 чылда Сергей Шойгу Красноярскиниң политехниктиг институдунче кирип алгаш, ону 1977 чылда инженер-тудугжу диплом-биле дооскан. 1991 чылда ол куруг черден тургустунган россияның камгалакчылар корпузун удуртуп эгелээн, ону 1994 чылда онза байдалдар яамызы кылдыр эде тургускан. Кыска хуусааның дургузунда Россияның онза байдалдар яамызы делегейде эң эки камгалакчы албаннарның бирээзи апарган, а Сергей Шойгу боду Россияның тергиин сайыды деп чаңгыс эвес удаа санадып келген, база-ла «Чаңгыс Демниг Россия» партиязын тургузарынга киришкен.

2012 чылда Сергей Шойгу РФ-ның камгалал сайыдынга томуйлаткан.
2024 чылдан тура Сергей Шойгу РФ-ның Айыыл чок чорук чөвүлелиниң секретары аппарган база Россия Федерациязының президентизи Владимир Путинниң шериг-үлетпүр комплекизиниң комиссиязында оралакчызынга томуйлаткан. Ол ышкаш Сергей Шойгу камгалал-үлетпүр комплекизин хөгжүдер талазы-биле координатор эртем-эксперт чөвүлелиниң даргазы, Россия Федерациязының айыыл чок чорук чөвүлели.

Чурт-шинчилел болгаш чогаал килдизинге келгеш тываның төөгүзүнүң База россияның сураглыг маадыры Сергей Шойгунуң дугайында хөйнү номнардан билип алырыңарны кыйгырдывыс.

#Чуковка17 #СергейШойгу #Шойгу70хар #ном_делгелгези #библиотекиТувы