.Клувувустуң ажыдыышкынынга чалаттырган аалчылар чогаалчывыс шүлүкчү, прозачы Россия Федерациязының алдарлыг журнализи Александр Сан-оолович Шоюн, Тувинская правда солуннуӊ кол редактору Юлия Валерьевна Манчи-оол улуг сонуургал-биле идекпейлиг киришкеннер. Уран номчулга клувувустуң кежигүннери болур уруглар Кызыл хоорайның № 2 школаның 6 класстын өөреникчилери болган.Клубтун кол сорулгазы: аныяк өскени тыва дылын, чогаалын үнелеп, бот-медерелин оттуруп, бо талазы-биле делегей көрүүшкүнүн улгаттырып, төрээн дылынга көвей номчуттунарын чедип алыры болгаш, чараш чүүлге ынак, байлак сагыш-сеткилдиг кижилер болурунга, уран-сөстүң күжүн билип, тоожукчу азы лириктиг маадырның сагыш-сеткилинче кичээнгей салырынга өөредир. Ынчангаш ол кол сорулганы чедип алыры биле чечен чогаал номчулга клувунуң ажылы эгелээн.Клубтуң ажыдыышкынын байырлавышаан, чогаалчының Александр Сан-ооловичиниң «Селбер койгунак» биле «Сонуургакпай» деп чаа үнген номнары-биле уруглар танышканнар. Ном дээрге билиглерниң үнер дөзү болгай, долгандыр турар бойдус, делегей дугайында хөй-хөй билиглерни кижи номнардан билип алыр.Клубтун кежигүннери болур уруглар чечен чогаалдың хуулгаазын оранын харап, ооң бодаралдыг аржаан-домун чооглап көрүп, амыдыралчы сонуургалдың бир чараш кокпазын ажыдып ап турар аас-кежиктиг төлдер-дир. Оларга байырдан чедирип көрээлиңер! Клувувустуң кежигүннеринге чыл тургузунда үре-түңнелдиг ажылдаарын күзээр-дир бис.#Чуковка17 #ажыдыышкын #УранЧечен #ШоюнАС #библиотекиТувы