А.Даржай - чогаалчы, шүлүкчү, очулдурукчу, журналист, хөй-ниити ажылдакчызы болгаш күрүне ажылдакчызы, Тыва Республиканың Улустуң чогаалчызы (2007)

А.Даржай 1944 чылдың ноябрь 3-те Сүт-Хөл кожууннуң Суг-Аксы суурга мал эмчилериниң өг-бүлезинге дөрткү оглу болуп төрүттүнген. Чаш болгаш элээди назын Чаа-Хөл кожууннуң Булун-Терек суурга эрткен.

Александр Даржай 12 харлыында шүлүк бижип эгелээн. Баштайгы шүлүк «Шын» солунга 1964 чылда парлаттынган.
Баштайгы ному «Төрээн черим» 1972 чылда чырыкче үнген.

Оон бээр тыва, орус, алтай дылдарда 33 шүлүк болгаш проза номнарын парлаан. А.Даржай дыка хөй авторларның бижиктерин тыва дылче очулдурган: Пушкинниң, Грибоедовтуң, Лермонтовтуң, Блоктуң, Есенинниң, Сулеймоновтуң, Барто дээш оон-даа өскелер.

Шүлүктерде төрээн Тывазынга ынакшылы, чону дээш аарышкы, сагыш човаашкын илереттинген. Ооң шүлүктериниң хөй кезии чаңчылчаан тыва культураның ханы үндезиннерин кадагалап арттырарынче, бодунуң чонунуң «сүлде-сүзүүнүң өзээн» кадагалап арттырарынче угланган.

#тува #тыва #культуратувы #тывакультура #библиотекитувы #специальнаябиблиотека #ТувРСБ