Версия сайта для слабовидящих
10.11.2022 04:49

Тыва дылдың хүнүнде ном саңының хемчеглери

O0HrUrLsHt8SqcBnTFHGLQ

2016 чылдың январь 18-те Тыва Республиканың Чазааның чарлыы-биле ноябрь 1-ниң хүнүн Тыва дыл хүнү кылдыр чарлаан.

Шак бо кайгамчык хүнде политехниктиг техникумнуң суургулдарынга база 9 дугаар школаның 9-ку класстарынга «Тыва дылдың октаргайы» деп оюнну Республиканың уруглар ном саңының ажылдакчылары эрттиргеннер.

Киржикчилер 2 командага чарлып алгаш, «Тыва дылга реклама» деп аас-чогаалдыг, адаан-мөөрейлиг оюнга идекпейлиг киришкеннер.
Команда бурузунге аас-чогаалга хамаарышкан онаалгаларны берген. Ында йөрээл чугаалаар, тывызыктар тывар, улегер домактарны уламчылап төндүрер, дурген чугаа чугаалаар, узун-тыныш дээш оон-даа ангы даалгалар бар.

Шынап-ла, биске төрээн дылывыс эргим. Ооң ачызында бис аравыста чугаалажып, харылзажып, амыдырап турар бис. Тыва дыл өске дылдар ышкаш узун төөгүлүг, эрткен оруктуг. Дыл каяа-даа, кажан-даа, кымга-даа эӊ-не чугула чепсек. Бистиӊ дылывыс байлак, ырывыс аянныг. Ол дээрге өгбелеривистиӊ салгалдарга арттырган эртинези-дир деп, ном саңының ажылдакчылары болгаш өөреникчилер ужуражылгазын түңнеп чугаалааннар.