Амгы үеде Президентиниң фондузунуӊ грантызы, Тыва Чазак Баштынының грантызы дээш оон-даа өске грантылар күрүнениӊ албан черлеринге демкимче кылдыр берип турары кончуг эки.
Тываныӊ ном саӊнарынын каттыжыышкыны база К. И. Чуковский аттыг уруглар ном саӊы Президентиниӊ фондузунуӊ культура талазы-биле грантызынга төлептиг бооп «Tuva_read» деп төлевилели тиилекчи бооп үнген. Ооң кол сорулгазы чогаалчыларның уругларга бижээн тыва дылда 1000 номну бир янзы электроннуг хевирлиг кылдыр база 100 аудио-үннүг чугаалап турар чогаалдарны тургузары бооп турар.
Үе шагның сайзырааны-биле аныяк өскен болгаш уруглар номнарны электроннуг, аудио-үннүг чугаалап турар хемчээлге дыңнап, номчуурун күзээр апарган, база ол ышкаш амгы үеде Россиядан дашкаар болгаш сонгаар хоорайларда чурттап турар чангыс чер-чурттугларывыс төрээн дылынга номнарны номчуур, дыннаар кылдыр сорулганы салып турар бис.